នាព្រឹកថ្ងៃ ព្រហស្បតិ៍ ៦ រោច ខែ ជេស្ន ឆ្នាំ រោង ឆស័ក ព.ស ២៥៦៨ ត្រូវនឹងថ្ងៃទី ២៧ ខែ មិថុនា ឆ្នាំ ២០២៤ នៅសណ្ឋាគារ និងរមណីយដ្ឋាន​ឆ្នេរសុខា ខេត្តព្រះសីហនុ ឯកឧត្ដមបណ្ឌិត វង្ស ប៊ុនឥន្ទ្រាវុធ ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានរតនាគារជាតិ និងជាប្រធានក្រុមការងារបច្ចេកទេស ដើម្បីសម្រួលនីតិវិធីកត់ត្រាចំណូលមិនមែនសារពើពន្ធ (ក.ម.ព) បានអញ្ជើញចូលរួមជាអធិបតីភាពក្នុង «វគ្គបណ្តុះបណ្តាលស្តីពីការប្រើប្រាស់ប្រ័ន្ធបច្ចេកវិទ្យាព័ត៌មានគ្រប់គ្រងចំណូលមិនមែនសារពើពន្ធ (NRMIS) ជូនមន្ត្រីជំនាញតាមក្រសួងស្ថាប័ន និងមន្ទីរជំនាញក្រោមឱវាទ សម្រាក់ដំណាក់កាលទី៣» ។ កម្មវិធីវគ្គបណ្ដុះបណ្ដាលនេះមានសិក្ខាកាមចូលរួមប្រមាណ ៤៥០ នាក់ ដែលតំណាងមកពីក្រសួង ស្ថាប័នចំនួន ១៦ និង មន្ទីរទាំង ៧  ក្នុងរយៈពេល ១ថ្ងៃ (ថ្ងៃទី ២៧ ខែ មិថុនា ឆ្នាំ ២០២៤) ។