នារសៀល ថ្ងៃសុក្រ ១១ រោច ខែស្រាពណ៍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ៣០ ខែ សីហា ឆ្នាំ ២០២៤
ឯកឧត្ដម នេត មុនី្ន ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានទ្រព្យសម្បត្តិរដ្ឋនិងចំណូលមិនមែនសារពើពន្ធ និងជាអនុប្រធានក្រុមការងារ កមព អមដោយថ្នាក់ដឹកនាំ និងមន្ត្រីជំនាញ បានអញ្ជើញចូលរួមបើកវគ្គបណ្តុះបណ្តាលស្តីពីការដាក់ឱ្យប្រើប្រាស់ប្រព័ន្ធបច្ចេកវិទ្យាព័ត៌មានគ្រប់គ្រងចំណូលមិនមែនសារពើពន្ធ តាមមូលដ្ឋានបង្គរ ជំហានទី១ តាមប្រព័ន្ធអនឡាញ (កម្មវិធី Zoom)។ ក្នុងវគ្គបណ្តុះបណ្តាលនេះ ដឹកនាំនិងសម្របសម្រួលដោយ អគ្គនាយកដ្ឋានរតនាគារជាតិ និងមានការចូលរួមពី អគ្គលេខាធិការដ្ឋាន អគ្គនាយកដ្ឋានពន្ធដារ អគ្គនាយកដ្ខានគយ និងរដ្ឋាករកម្ពុជា រួមទាំងធនាគារពាណិជ្ជដៃគូរ។