នាព្រឹកថ្ងៃចន្ទ ១៣កើត ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១១ ខែកក្កដា ឆ្នាំ២០២២ នៅសណ្ឋាគារ ឡឺ រ៉ូយ៉ាល់ (Le Royal) លោក ហ៊ាន ប៊ុនណិត អគ្គនាយករង នៃអគ្គនាយកដ្ឋានទ្រព្យសម្បត្តិរដ្ឋ និងថ្នាក់ដឹកនាំ ព្រមទាំងមន្ត្រីជំនាញ បានអញ្ជើញចូលរួមកិច្ចប្រជុំពិនិត្យ និងពិភាក្សាលើសេចក្ដីព្រាងបទដ្ឋានគតិយុត្តសម្រាប់អនុវត្តមូលនិធិ​កម្មវិធីកែទម្រង់ការ​គ្រប់គ្រង​ហិរញ្ញវត្ថុសាធារណៈ ដំណាក់កាលទី២។ កិច្ចប្រជុំនេះដឹកនាំដោយ ឯកឧត្ដម យ៉េត វីណែល អនុរដ្ឋលេខាធិការ និងជាអគ្គលេខាធិការរងនៃអគ្គលេខាធិការដ្ឋានគណៈកម្មាការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ (អ.គ.ហ) ដោយមានការចូលរួមពីថ្នាក់ដឹកនាំពាក់ព័ន្ធ ក្រោមឱវាទក្រសួងសេដ្ឋកិច្ច និងហិរញ្ញវត្ថុ។