នាព្រឹកថ្ងៃចន្ទ ១៣រោច ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៧ ខែមិថុនា ឆ្នាំ២០២២ ឯកឧត្ដមនេត មុន្នី ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ និងជាអនុប្រធានក្រុមការងារ កមព បានចូលរួមសិក្ខាសាលាអនឡាញ (តាមរយៈកម្មវិធីZoom) ស្ដីពីការដាក់ឱ្យប្រើប្រាស់ប្រព័ន្ធទូទាត់អេឡិចត្រូនិក (e-Payment) សម្រាប់ការប្រមូលចំណូលមិនមែនសារពើពន្ធ ជំហានទី៣ ក្រោមអធិបតីភាពឯកឧត្ដមបណ្ឌិត វង់ សណ្ដាប់ រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ តំណាងដ៏ខ្ពង់ខ្ពស់របស់ឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដោយមានការចូលរួមពីតំណាងថ្នាក់ដឹកនាំ និងមន្ត្រីជំនាញ ក្រោមឱវាទនៃអគ្គនាយកដ្ឋានពាក់ព័ន្ធនៃក្រសួងសេដ្ឋកិច្ច និងហិរញ្ញវត្ថុ ,តំណាងថ្នាក់ដឹកនាំ និងមន្ត្រីជំនាញនៃក្រសួង ស្ថាប័នទាំង១០ មានដូចជា៖ ១.ក្រសួងព្រះបរមរាជវាំង, ២.រដ្ឋលេខាធិការ​ដ្ឋានអាកាសចរស៊ីវិល, ៣.ក្រុមប្រឹក្សាអភិវឌ្ឍន៍កម្ពុជា, ៤.ក្រសួងការពារជាតិ, ៤.ក្រសួងមហាផ្ទៃ, ៦.ក្រសួងការបរទេស និងសហប្រតិបត្តិការអន្តរជាតិ, ៧.ក្រសួងព័ត៌មាន, ៨.ក្រសួងសុខាភិបាល, ៩.ក្រសួងសង្គមកិច្ច អតីតយុទ្ធជន និងយុវនីតិសម្បទា, ១០.ក្រសួងយុត្តិធម៌ (ផ្នែកយុត្តិធម៌, តុលាការកំពូល, សាលាឧទ្ធរណ៍ និងសាលាដំបូងរាជធានី ខេត្ត), ធនាគារជាតិនៃកម្ពុជា, តំណាងធនាគារពាណិជ្ជដៃគូរ និងមន្ទីរជំនាញរាជធានី ខេត្តក្រោមឱវាទនៃក្រសួង ស្ថាប័នទាំង ១០ ដែលសរុបសិក្ខាកាមចូលរួមប្រមាណ ៤០០ នាក់ ។