នាព្រឹក ថ្ងៃពុធ ៧កើត ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២០ ខែមករា ឆ្នាំ២០២១ នៅសាលប្រជុំ អគារ “ឃ” នៃទីស្តីការក្រសួងសេដ្ឋកិច្ច និងហិរញ្ញវត្ថុបានរៀបចំកិច្ចប្រជុំពិនិត្យ និងពិភាក្សាលើករណីសំណើសុំជម្រះ អចលនទ្រព្យចេញពីបញ្ជីសារពើភណ្ឌទ្រព្យសម្បត្តិរដ្ឋដែលកាន់កាប់ដោយក្រសួង ស្ថាប័ន ដើម្បីធ្វើប្រទានកម្មជូន ប្រជាពលរដ្ឋ និងមន្ត្រីរាជការឱ្យទទួលបាន កម្មសិទ្ធិស្របច្បាប់ ដែលកិច្ចប្រជុំនេះដឹកនាំដោយ ឯកឧត្ដម ងី តាយី រដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ តំណាងអគ្គនាយកដ្ឋានទ្រព្យសម្បត្តិរដ្ឋនិងចំណូលមិនមែនសារពើពន្ធ និងតំណាងក្រសួង ស្ថាប័ន ពាក់ព័ន្ធដទៃទៀត។