នារសៀលថ្ងៃពុធ ១១រោច ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៩ ខែកុម្ភៈ ឆ្នាំ២០២០ លោក សៀក សុភ័គ អគ្គនាយករង នៃអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ ដឹកនាំមន្រ្តីជំនាញចូលរួមកិច្ចពិភាក្សាលើលទ្ធផលបឋម នៃការរៀបចំក្របខ័ណ្ឌហិរញ្ញវត្ថុសាធារណៈ រយៈពេលមធ្យម ឆ្នាំ២០២១-២០២៣ នៅសាលាប្រជុំទី៣ អាគារ «គ» នៃទីស្ដីការក្រសួងសេដ្ឋកិច្ច និងហិរញ្ញវត្ថុ ក្រោមអធិបតីភាពរបស់ ឯកឧត្តម ទេព ភិយោរិន្រ្ទ អគ្គនាយក នៃអគ្គនាយកដ្ឋានគោលនយោបាយ។