កិច្ចប្រជុំគណៈកម្មការកែទម្រង់ ហិរញ្ញវត្ថុសាធារណៈ និងក្រុមការងារបច្ចេកទេសTWG ដើម្បីពិនិត្យ និងពិភាក្សា លើរបាយការណ៍វឌ្ឍនភាពប្រចាំឆ្នាំ២០១៩ នៃការអនុវត្តកម្មវិធីកែទម្រង់ហិរញ្ញវត្ថុសាធារណៈ ដំណាក់កាលទី៣ តាមប្រព័ន្ធវីដេអូផ្សាយបន្តផ្ទាល់ (Video Conference)
នាព្រឹកថ្ងៃអង្គារ ០២ រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៧ ខែកក្កដា ឆ្នាំ២០២០ ឯកឧត្តម នេត មុន្នី ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ និង លោកអគ្គនាយករង និងថ្នាក់ដឹកនាំនាយកដ្ឋាន បានចូលរួមកិច្ចប្រជុំគណៈកម្មការកែទម្រង់ ហិរញ្ញវត្ថុសាធារណៈ និងក្រុមការងារបច្ចេកទេស TWG ដើម្បីពិនិត្យ និងពិភាក្សា លើរបាយការណ៍វឌ្ឍនភាពប្រចាំឆ្នាំ២០១៩ នៃការអនុវត្តកម្មវិធីកែទម្រង់ហិរញ្ញវត្ថុសាធារណៈ ដំណាក់កាលទី៣ តាមប្រព័ន្ធវីដេអូផ្សាយបន្តផ្ទាល់ (Video Conference) ក្រោមអធិបតីភាពដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ។ កិច្ចប្រជុំនេះមានការចូលរួមពីអគ្គនាយកដ្ឋានពាក់ព័ន្ធក្រោមឱវាទក្រសួងសេដ្ឋកិច្ច និងហិរញ្ញវត្ថុ ,ដៃគូរអភិវឌ្ឍន៍ ព្រមទាំងក្រសួង ស្ថាប័ន ពាក់ព័ន្ធ។
